Gwasanaethau i Bartneriaethau Cynlluniau Gweithredu Bioamrywiaeth Lleol

Coladu a rheoli data am rywogaethau

Trosglwyddo mapiau papur i fformat System Gwybodaeth Ddaearyddol. D.S. Yn y dyfodol agos, bydd SEWBReC yn gallu trosglwyddo un system dosbarthu cynefinoedd i un arall (e.e. NVC i Gynefinoedd â Blaenoriaeth Cynlluniau Gweithredu Bioamrywiaeth) gan ddefnyddio'r System Cynefinoedd Integredig a ddatblygwyd gan SERC (Canolfan Cofnodion Amgylcheddol Gwlad yr Haf).

Archwiliadau Rhywogaethau. Gellid cynnal archwiliadau rhywogaethau yn flynyddol a'u defnyddio i ddiweddaru gwybodaeth am gynefinoedd a dosbarthiad Cynlluniau Gweithredu Bioamrywiaeth Lleol/rhywogaethau a warchodir; nodi rhywogaethau newydd ac ail ffocysu a mireinio arolygon, rheoli tir ac adnoddau. Gallai'r archwiliad gynnwys mapiau dosbarthiad dot, a rhestrau safleoedd ar gyfer rhywogaethau.
Rhestrau rhywogaethau ar gyfer safleoedd penodol: Rhestrau o rywogaethau a gofnodwyd ar gyfer ardal benodol (e.e. Gwarchodfa Natur Leol, Safle o Bwysigrwydd Cadwraeth Natur, neu ardal a ddiffiniwyd).
Dosbarthiad rhywogaethau estron ymledol: Gwybodaeth wedi'i theilwra i dargedu ardaloedd sy'n peri problem, mewn modd effeithiol drwy raglenni difodiad/rheoli.
Nodi bylchau daearyddol a thacsonomig o fewn setiau data: Pennu ffocws gwaith arolygu ac adnoddau pan fo angen. Gyda mwy o wybodaeth, gallech gysylltu'n effeithiol â grwpiau perthnasol eraill (e.e. sefydliadau cerdded, clybiau genweirio, grwpiau adaryddion ac ati) i dargedu ardaloedd/grwpiau o rywogaethau gyda data gwael neu lai o ddata.

Nodi/mapio cynefinoedd â blaenoriaeth Cynllun Gweithredu Bioamrywiaeth y DU/Cynllun Gweithredu Bioamrywiaeth Lleol (defnyddio System Cynefinoedd Integredig yn y dyfodol). Cynhyrchu mapiau sy'n dangos mathau o gynefinoedd o fewn ardal benodol.
Defnyddio rhywogaethau dangosydd achlysurol i nodi cynefin. Er enghraifft, defnyddio cofnodion Cen Byseddog, Ysgallen Ddreinwen (Carlina vulgaris) a Llin y Tylwyth Teg (Linum catharticum) i leoli rhos gennog bosibl ar wastraff glo (Cyngor Bwrdeistref Sirol Blaenau Gwent, Ionawr 2007). Yna, defnyddiwyd hyn i lunio rhestr o safleoedd rhos gennog posibl, a thargedu arolygon o fathau o gynefinoedd nad oes llawer o wybodaeth amdanynt.
Nodi safleoedd cynefinoedd newydd addas ar gyfer creu/ehangu/gwella cynefinoedd ac ailgyflwyno/trawsleoli rhywogaethau (gan ddefnyddio Cam I/System Cynefinoedd Integredig).

Chwiliadau safleoedd ar gyfer rhywogaethau a chynefinoedd i helpu i nodi safleoedd ac/neu eu hadolygu.
Digido a/neu olygu ffiniau safleoedd.
Cynnal a chadw haenau data diffiniol.

Help o ran mewnbynnu data/gwybodaeth y Cynllun Gweithredu Bioamrywiaeth Lleol i gronfa ddata BARS.